សិក្ខាសិលាបង្កើនជំនាញដល់អ្នកបង្កាត់ពូជ អ្នកថែទាំ និងអភិវឌ្ឍពូជគោប្រ៉ាម៉ាន់ ដល់គ្រូបង្គោលប្រមាណ២២នាក់ ក្នុងបណ្តាស្រុកក្រុងនៃទឹកដីខេត្តកំពង់ធំ

១៨ – ១៩ មេសា ឆ្នាំ ២០២៤ [កំពង់ធំ]

ដើម្បីឆ្លើយតបនឹងទស្សនៈវិស័យរបស់ខ្លួន សមាគមអ្នកអភិវឌ្ឍពូជគោប្រ៉ាម៉ាន់កម្ពូជា-អាមេរិច (Cambodian American Brahman Breeders Association) បានសហការ ក្រុមការងារជាមួយក្រុមការងារជំនាញរបស់ អេសវី (SV Ranch) និងអូអីមអេស (OMS Ranch) ចុះរៀបចំសិក្ខាសិលា ដើម្បីធ្វើការអប់រំបណ្តុះបណ្តាលបង្កើនជំនាញដល់អ្នកបង្កាត់ពូជ អ្នកថែទាំ និងអភិវឌ្ឍពូជគោប្រ៉ាម៉ាន់ ដល់គ្រូបង្គោលប្រមាណ២២នាក់ ក្នុងបណ្តាស្រុកក្រុងនៃទឹកដីខេត្តកំពង់ធំ។

លើសពីនេះទៅទៀត សមាគមន៍នឹងបន្តពង្រឹងកសិករ និងកសិដ្ឋានខ្នាតតូច មធ្យម និងធំដើម្បីឲ្យមានជំនាញចិញ្ជឹមគោប្រ៉ាម៉ាន់តាមបែបសិប្បនិម្មិត (AI) ដើម្បីបង្កើនផលិតកម្មគោសាច់សម្រាប់ផ្គត់ផ្គង់តាមតម្រូវការទីផ្សារ។ កសិដ្ឋានបាននឹងកំពុង ជម្រុញការអភិវឌ្ឍលើកកម្ពស់ការបង្កាត់ពូជគោប្រ៉ាម៉ាន់នៅកម្ពុជា ចងក្រងពត៌មានអំពីសវតាការចុះបញ្ជីកំណើត និងចុះបញ្ជី ពុជគោប្រ៉ាម៉ាន់។ សមាគមន៍ បន្តសម្របសម្រួលកិច្ចសហប្រតិបត្តិការជាមួយសមាគមនអ្នកបង្កាត់គោក្នុងតំបន់អាស៊ាន និងពិភពលោក ដើម្បីផ្សារភ្ជាប់ទីផ្សារគោនៅកម្ពុជា ទៅកាន់ទីផ្សារអន្តរជាតិ។